Книга помощи для всех, кто любит. Святой Валентин сотворит для вас чудо - Ганна Шпак

Молитва Святителю Николаю, Мирликийскому чудотворцу

День памяти 6/19 декабря, 9/22 мая

Святой Николай Чудотворец – один из самых любимых святых на христианской Руси. К нему обращают молитвы об исцелении от болезней и помощи в любой житейской нужде, просят святого и о помощи в обретении настоящей любви и создании крепкой семьи.

Святитель Николай, живший в III веке н. э., с детства посвятил свою жизнь Богу и своим ближним. Все свои средства он раздавал неимущим, сила его молитвенного слова исцеляла самые страшные недуги и изгоняла бесов. Когда же он узнал о том, что один обнищавший человек собирается отдать своих дочерей на блуд, чтобы спасти их от голодной смерти, святой Николай тайно подбросил в их дом несколько узлов с золотом. Благодаря помощи святителя все три девушки были спасены от страшного греха и смогли удачно выйти замуж.

О добрый наш пастырю и богомудрый наставниче, святителю Христов Николае! Услыши нас грешных, молящихся тебе и призывающих в помощь скорое предстательство твое; виждь нас немощных, отвсюду уловляемых, всякаго блага лишенных и умом от малодушия помраченных; потщися, угодниче Божий, не оставити нас в греховнем плену быти, да не будем в радость врагом нашим и не умрем в лукавых деяниих наших. Моли о нас недостойных Содетеля нашего и Владыку, ему же ты со безплотными лики предстоиши: милостива к нам сотвори Бога нашего в нынешнем житии и в будущем веце, да не воздаст нам по делом нашим и по нечистоте сердец наших, но по своей благости воздаст нам. На твое бо ходатайство уповающе, твоим предстательством хвалимся, твое заступление на помощь призываем, и ко пресвятому образу твоему припадающе, помощи просим: избави нас, угодниче Христов, от зол находящих на нас, и укроти волны страстей и бед возстающих на нас, да ради святых твоих молитв не обымет нас напасть и не погрязнем в пучине греховней и в тине страстей наших. Моли, святителю Христов Николае, Христа Бога нашего, да подаст нам мирное житие и оставление грехов, душам же нашим спасение и велию милость, ныне и присно и во веки веков.

Молитва святой блаженной Ксении Петербургской

День памяти 24 января/6 февраля

Святой блаженной Ксении молятся об обретении любви и создании крепкой семьи.

Святая, после смерти любимого супруга принявшая на себя подвиг юродства, жила в Петербурге в начале XVIII века. Блаженная Ксения прославилась даром пророчества и целительства, а также помощи людям в обретении и сохранении настоящей крепкой любви.

О препростая образом жития своего, бездомная на земли, наследнице же обителей Отца Небеснаго, блаженная страннице Ксение! Якоже прежде к надгробию твоему недужнии и скорбнии припадавшии и абие утешениями исполняемии, сице ныне и мы, обуреваемии тлетворными обстоянии, к тебе прибегающе, с надеждою просим: помолися, благая небошественнице, дабы исправилися стопы наша по словеси Господню к деланию заповедей Его, и да упразднится богоборное безбожие, пленившее град твой и страну твою, привергающее нас, многогрешных, в смертное братоненавидение, гордое самовозбешение и хульное отчаяние. О блаженнейшая Христа ради, посрамившая суе-мудрость века сего, испроси у Творца и Подателя всяческих благ даровати нам смирения, кротости и любве в сокровище сердца нашего, веры в укрепление молитвы, надежды в покаянии, крепости в многотрудном житии, милосерднаго исцеления души и тела нашего, целомудрия в супружестве и благопопечения о ближних и искренних своих, всего жития нашего обновление в чистительней бане покаяния, яко да всехвально воспевающе память твою, прославим, в тебе чудодействующаго, Отца и Сына и Святаго Духа, Троицу Единосущную и Нераздельную во веки веков. Аминь.

Молитва святым мученикам Адриану и Наталии

День памяти 26 августа/8 сентября

Святым мученикам Адриану и Наталии возносят молитвы о сохранении любви и верности любящими людьми, о создании счастливой семьи и отношениях без ссор и неурядиц.

Святые супруги прославились в IV веке н. э. Святая Наталья тайно исповедовала христианство. Муж же ее был язычником, однако, пораженный стойкостью и силой веры преследуемых христиан, сам принял Святое Крещение. Претерпев муки за исповедание истинной веры, Адриан, поддерживаемый своей супругой, принял смерть от рук палача. Наталья, уклонившись от нового брака, скончалась от душевных мук.

О священная двоице, святии мученицы Христовы Адриане и Наталие, блаженнии супрузи и доблии страдальцы! Услышите нас, молящихся вам со слезами, и низпослите на ны вся блaroпотребная душам и телесем нашим, и молите Христа Бога, да помилует нас и сотворит с нами по милости Своей, да не погибнем во гресех наших. Ей, святии мученицы! Приимите глас моления нашего, и избавите ны молитвами вашими от глада, губительства, труса, потопа, огня, града, меча, нашествия иноплеменников и междоусобныя брани, от внезапныя смерти и от всех бед, печалей и болезней, да присно вашими молитвами и предстательством укрепляеми, прославим Господа Иисуса Христа, Емуже подобает всякая слава, честь и поклонение, со безначальным Его Отцем и Пресвятым Духом, во веки веков. Аминь.

Молитва святым мученикам Хрисанфу и Дарии

День памяти 19 марта/1 апреля

Святым мученикам Хрисанфу и Дарии молятся об обретении любви, о духовной близости и взаимопонимании между любящими людьми, о крепком и счастливом браке.

Святой Хрисанф жил в III веке и происходил из семьи знатных язычников. Повинуясь воле родителей, он вступил в брак с жрицей Афины Паллады, однако вскоре сумел обратить свою супругу в истинную веру и продолжил свое служение Богу и людям вместе с ней. Вместе супруги приняли и мученическую кончину.

О святии угодницы Божии, мученицы Хрисанфе и Дарие! Подвигом добрым подвизався на земли, восприяли еси на Небесех венец правды, егоже уготовал есть Господь всем любящим Его. Темже взирающе на святый ваш образ, радуемся о преславнем скончании жительства вашего и чтем святую память вашу. Вы же, предстоя Престолу Божию, приимите моления наша и ко Всемилостивому Богу принесите, о еже простити нам всякое прегрешение и помощи нам стати противу кознем диавольским, да избавлешеся от скорбей, болезней, бед и напастей и всякаго зла, благочестно и праведно поживем в нынешнем веце и сподобимся предстательством вашим, аще и недостойни есмы, видети благая на земли живых, славяще Единаго во святых Своих славимаго Бога, Отца и Сына и Святаго Духа, ныне и во веки веков. Аминь.

Молитва преподобной Афанасии, игуменье Эгинской

День памяти 12/25 апреля

Святой преподобной Афанасии молятся о благополучии второго брака.

Святая Афанасия с ранних лет мечтала посвятить свою жизнь служению Богу, однако родители настояли на ее замужестве. Когда же ее молодой супруг погиб в бою с чужеземными захватчиками, Афанасию выдали замуж во второй раз. Своей богоугодной жизнью и неустанной заботой о благе ближних святая обратила в истинную веру и своего супруга-язычника. После его кончины святая Афанасия приняла постриг и основала несколько церквей и обителей.

Боже святый и во святых почиваяй, трисвятым гласом на небеси от Ангел воспеваемый, на земли от человек во святых Своих хвалимый: давый Святым Твоим Духом комуждо благодать по мере дарования Христова, и тою поставивый Церкви Твоей святей овы Апостолы, овы пророки, овы же благовестники, овы пастыри и учители, их же словом проповеди. Тебе Самому действующему вся во всех, мнози совершишася святии в коемждо роде и роде, различными добродетельми благоугодившии Тебе, и к Тебе нам образ добрых подвигов своих оставивше, в радости прешедшии, готови, в нем же сами искушени быша, и нам напаствуемым помогати. Сих святых всех воспоминая и их богоугодное похваляя житие, Тебе Самаго, в них действовавшаго, восхваляю, и онех благотворения Твоя дарования быти веруя, прилежно молю Тя, Святе святых, даждь ми грешному последовати их учению, паче те Твоею вседействующею благодатию, небесныя с ними сподобитися славы, хваляще пресвятое имя Твое, Отца и Сына и Святаго Духа вовеки. Аминь.

ТРОПАРЬ В тебе, мати, известно спасеся еже по образу: приимши бо крест, последовала Христу, и деющи учила еси презирати убо плоть, преходит бо: прилежати же о души, вещи безсмертней: тем же и со ангелы срадуется, преподобная Афанасия, дух твой.

КОНДАК За любовь Господню, преподобная, покоя желание возненавидела еси, пощением дух твой просветивши: крепко бо звери победила еси: но молитвами твоими противных шатание разори.